အင်ကြင်းကျောက် ပြည်ပတင်ပို့ရောင်းချရာတွင် လုပ်ငန်းဆောင်ရွက်ပုံအဆင့်ဆင့်

(၁)   ဆင့်တက်ပြုပြင်ပြီး အင်ကြင်းကျောက်များအား သက်ဆိုင်ရာကုမ္ပဏီမှ ပြည်ပသို့ တင်ပို့ရောင်းချခွင့်ပြုပါရန်အတွက် အမှတ်(၁)သတ္တုတွင်းလုပ်ငန်းသို့ အဆိုပြု တင်ပြလျှောက်ထား ရပါမည်။

(၂)      အမှတ်(၁)သတ္တုတွင်းလုပ်ငန်းမှ ကုမ္ပဏီ၏ အဆိုပြုတင်ပြလာမှုအပေါ် အင်ကြင်းကျောက် လုပ်ငန်းရှင်များအသင်းမှ စိစစ်၍ ထောက်ခံ(သို့မဟုတ်) ကန့်ကွက်မှုရှိ/မရှိတို့ကို အသင်း၏ သဘောထားမှတ်ချက်အား ပြန်လည်တင်ပြ စေပါ သည်။

(၃)  အင်ကြင်းကျောက်အသင်းမှ ကန့်ကွက်ရန်မရှိဘဲ ထောက်ခံတင်ပြလာပါက အင်ကြင်းကျောက်များ၏ အရည်အသွေး၊ အဆင့်အတန်းနှင့် တန်ချိန်ပမာဏတို့အား စစ်ဆေးရန်အတွက် အောက်ဖော်ပြပါဌာနများမှ  ကိုယ်စားလှယ်(၁)ဦးစီ ပါဝင်သောအဖွဲ့ဖြင့် ကွင်းဆင်းစစ်ဆေးပါသည်-

            (က)     သတ္တုတွင်းဦးစီးဌာန

            (ခ)       ဘူမိဗေဒလေ့လာရေးနှင့်ဓာတ်သတ္တုရှာဖွေရေးဦးစီးဌာန

            (ဂ)       အမှတ်(၁)သတ္တုတွင်းလုပ်ငန်း

            (ဃ)     မြန်မာ့ကျောက်မျက်ရတနာရောင်းဝယ်ရေးလုပ်ငန်း

            (င)       သက်ဆိုင်ရာမြို့နယ်အထွေထွေအုပ်ချုပ်ရေးဦးစီးဌာန

            (စ)       အင်ကြင်းကျောက်လုပ်ငန်းရှင်များအသင်း

(၄)  ကွင်းဆင်းစစ်ဆေးရေးအဖွဲ့၏ ကွင်းဆင်းစစ်ဆေးချက်အစီရင်ခံစာအပေါ် သတ္တုတွင်းဦးစီးဌာန၊ စျေးနှုန်းစိစစ်ရေး ကော်မတီမှ စျေးနှုန်းစိစစ်တွက်ချက်ရပါသည်။

(၅)    စျေးနှုန်းစိစစ်ရေးကော်မတီ၏ စျေးနှုန်းစိစစ်တွက်ချက်မှုအား သယံဇာတနှင့်သဘာဝပတ်ဝန်းကျင်ထိန်းသိမ်းရေး ဝန်ကြီး ဌာန၊ စီမံခန့်ခွဲရေးကော်မတီ(သတ္တုရေးရာ) အစည်းအဝေးသို့ တင်ပြပါသည်။