၁။

(က)

ရွှေလုပ်ကွက်လျှောက်ထားမည့် ကုမ္ပဏီများသည်   အောက်ပါအချက်များကို  ပြီးပြည်စုံအောင်စီစဉ်ထားရန်-

(၁)

ကုမ္ပဏီမှတ်ပုံတင်လက်မှတ် (သတ္တုတူးဖော်ခွင့်နှင့် သက်တမ်းရှိရမည်)။

(၂)

ကုမ္ပဏီသင်းဖွဲ့မှတ်တမ်း၊ သင်းဖွဲ့စည်းမျဉ်း၊ ကုမ္ပဏီဒါရိုက်တ စာရင်း (ပုံစံ၆/၂၆)။

(၃)

ကုမ္ပဏီတည်ရှိရာမြို့နယ် ရဲစခန်းထောက်ခံချက်။

(၄)

ငွေကြေးခိုင်မာမှုအတွက် ဘဏ်ထောက်ခံချက်(Bank Statement)။

(၅)

ဒါရိုက်တာများ၏ ပတ်စပို့အရွယ်ရောင်စုံဓာတ်ပုံ။

( ခ )

ကြေးတိုင်နှင့်မြေစာရင်းဦးစီးဌာနမှ  သက်ဆိုင်ရာရွှေလုပ်ကွက်၏ပုံစံ(၁၀၅ )ရယူရန်။

( ဂ )

သက်ဆိုင်ရာဒေသမှကန့်ကွက်ရန်မရှိကြောင်း ထောက်ခံချက်များပါရှိရမည်။

(ဃ)

လျှောက်ထားသည့်လုပ်ကွက်နှင့်ပတ်သက်၍    မြို့နယ်အုပ်ချုပ်ရေးမှူးရုံး၏ အောက်ဖော်ပြပါအချက်များ ပါဝင်သော ထောက်ခံချက်ပါရှိရမည်-

(၁)

လူများနေထိုင်သော မြို့/ရွာဧရိယာများနှင့်လွတ်ကင်းကြောင်း။

(၂)

မြို့နယ်ရှေးဟောင်းဧရိယာ / သာသနာ့နယ်မြေများနှင့်လွတ်ကင်းကြောင်း။

(၃)

မြို့/ရွာ စည်ပင်သာယာရေးဧရိယာ၊ သုဿာန်နယ်မြေများနှင့် လွတ်ကင်းကြောင်း။

(၄)

မြို့နယ်စိုက်ပျိုးရေးဧရိယာများနှင့်လွတ်ကင်းကြောင်း။

(၅)

မြို့နယ်သစ်တောဧရိယာများနှင့်လွတ်ကင်းကြောင်း။

(င)

သက်ဆိုင်ရာ တိုင်းဒေသကြီး/ ပြည်နယ်အစိုးရအဖွဲ့၏ အောက်ဖော်ပြပါအချက်များပါဝင်သော ထောက်ခံချက် ပါရှိရမည် -

(၁)

လုံခြုံရေးအရခွင့်ပြုနိုင်ကြောင်း။

(၂)

စိုက်ပျိုးမြေများ/ဆည်မြောင်းတာတမံများနှင့် လွတ်ကင်းကြောင်း။

(၃)

စီမံကိန်းလုပ်ငန်းများနှင့် လွတ်ကင်းကြောင်း။

(စ)

အထက်(က)၊ (ခ)၊ (ဂ)၊ (ဃ) အပိုဒ်များပါ အချက်များနှင့်အတူ  အမှတ်(၂)သတ္တုတွင်းလုပ်ငန်း၊ အထွေထွေ မန်နေဂျာရုံးသို့ ရွှေလုပ်ကွက်လျှောက်ထားမည့်ကုမ္ပဏီ၏ မန်းနေးဂျင်းဒါရိုက်တာကိုယ်တိုင် လာရောက် လျှောက်ထားရမည်။

၂။

အမှတ်(၂ )သတ္တုတွင်းလုပ်ငန်း၊ အထွေထွေမန်နေဂျာရုံး/တာဝန်ခံရုံးတို့မှ အထက်ပါအချက်များ စိစစ်ထောက်ခံပြီးပါက ရုံးချုပ်(နေပြည်တော်)နှင့်နီးသော စစ်ကိုင်းတိုင်းဒေသကြီး၊  ပဲခူးတိုင်းဒေသကြီး၊ မန္တလေးတိုင်းဒေသကြီးတို့အတွက် (၂)ရက်အတွင်း၊ ကရင် ပြည်နယ်၊ မွန်ပြည်နယ်တို့အတွက် (၃)ရက်အတွင်း၊ ကချင်ပြည်နယ်၊ ရှမ်းပြည်နယ်၊ တနင်္သာရီတိုင်းဒေသကြီးတို့အတွက် (၅)ရက်အတွင်း  လျှောက်ထားကုမ္ပဏီနှင့်ညှိနှိုင်း၍ ရုံးချုပ်သို့အမြန်ဆုံး ပေးပို့  သွားရမည်။