၂၀၁၇ ခုနှစ်၊ (၅၄)ကြိမ်မြောက် မြန်မာ့ကျောက်မျက်ရတနာပြပွဲ ဆက်လက်ကျင်းပ
ကျောက်စိမ်းအတွဲများအား အိတ်ဖွင့်တင်ဒါစနစ်ဖြင့် ဆက်လက်ရောင်းချ
၂၀၁၇ ခုနှစ်၊ ဩဂုတ်လ ၇ ရက်နေ့
၂၀၁၇ ခုနှစ်၊ (၅၄)ကြိမ်မြောက် မြန်မာ့ကျောက်မျက်ရတနာပြပွဲ (ဆဋ္ဌမမြောက်နေ့)ကို ၇.၈.၂၀၁၇ ရက်နေ့တွင် နေပြည်တော်၊ မဏိရတနာကျောက်စိမ်းခန်းမ၌ ဆက်လက်ကျင်းပ ပြုလုပ်လျက်ရှိပါသည်။
ယနေ့ (၅၄)ကြိမ်မြောက် မြန်မာ့ကျောက်မျက်ရတနာပြပွဲသို့ ပြည်တွင်းရတနာကုန်သည် (၁၈၂၇)ဦး၊ ပြည်ပရတနာကုန်သည် (၃၄၆၃)ဦး၊ စုစုပေါင်း ရတနာကုန်သည် (၅၂၉၀)ဦး တက်ရောက်ခဲ့ပြီး ကျောက်စိမ်းအတွဲပေါင်း (၁၁၀၀) တွဲကို အိတ်ဖွင့် တင်ဒါစနစ်ဖြင့် ဆက်လက်ရောင်းချခဲ့ရာ အတွဲပေါင်း (၇၅၃) တွဲကို တန်ဖိုးယူရို (၇၁.၈၂)သန်းဖြင့် ရောင်းချခဲ့ရကြောင်း သိရသည်။
၈.၈.၂၀၁၇ ရက်နေ့တွင် ကျောက်စိမ်းအတွဲများကို အိတ်ဖွင့်တင်ဒါစနစ်ဖြင့် ဆက်လက်ရောင်းချ သွားမည်ဖြစ်ကြောင်း သိရသည်။
ဓာတ်ပုံ - မြန်မာ့ကျောက်မျက်
Ministry of Mines
Twitter