ယင်းနောက် ပြည်ထောင်စုဝန်ကြီးသည် နှစ်လယ် ရတနာပြပွဲတွင် ကျောက်စိမ်းအတွဲများ အိတ်ဖွင့် တင်ဒါစနစ်ဖြင့် ရောင်းချနေမှု၊ ကွန်ပျူတာစနစ်များဖြင့် ရတနာပြပွဲဆိုင်ရာ လုပ်ငန်းများ ဆောင်ရွက်နေမှု၊ ကျောက်အတွဲများ ဝယ်ယူရရှိမှု၊ အာမခံစပေါ်ငွေ ကျန်ရှိမှုစာရင်းများကို ရတနာကုန်သည်များက ပြပွဲဝင်ခွင့်ကတ် အသုံးပြု၍ KIOSK စက်များဖြင့် စစ်ဆေးကြည့်ရှု ဆောင်ရွက်နေမှု၊ ဝယ်ယူခွင့်ရရှိသည့် ကျောက်စိမ်းအတွဲများအတွက် အရောင်းအဝယ်စာချုပ် (Sale Agreement) များ ချုပ်ဆိုနိုင်ရေး ဆောင်ရွက်နေမှု၊ ကျောက်စိမ်းအတွဲများ ရောင်းချရာတွင် ကြီးကြပ် ဆောင်ရွက်လျက်ရှိသည့် သဘာပတိအဖွဲ့က အိတ်ဖွင့် တင်ဒါစနစ်ဖြင့် ရောင်းချသည့် ကျောက်စိမ်းအတွဲများအတွက် ရောင်းသူနှင့် ဝယ်ယူသူများ အဆင်ပြေစေရေးအတွက် ညှိနှိုင်း ဆောင်ရွက်နေမှု၊ ရတနာပြပွဲတွင် လက်ဝတ်ရတနာဆိုင်များ ဖွင့်လှစ် ရောင်းချနေမှုများကို ကြည့်ရှုအားပေးခဲ့ရာ ပြပွဲဗဟိုကော်မတီ အတွင်းရေးမှူးနှင့် လုပ်ငန်းကော်မတီအသီးသီးမှ တာဝန်ရှိသူများ က သက်ဆိုင်ရာ လုပ်ငန်းများအလိုက် ရှင်းလင်းပြသခဲ့ကြပါသည်။