၂။  ကျောက်မျက်ရတနာ လုပ်ကွက်များ ခွင့်ပြုမိန့်ချထားပေးရေး၊ စစ်ဆေးရေးနှင့် ကြီးကြပ်ရေးလုပ်ငန်းကော်မတီ၏(၁၂/၂၀၁၅)ကြိမ်မြောက် အစည်းအဝေး ဆုံးဖြတ်ချက်အရ ပုဂ္ဂလိက၊ ကုမ္ပဏီ၊ အသင်းများသည် ကြေညာချက် (၇/၂၀၁၅)ဖြင့် ဝယ်ယူထားသည့် ဖော်ထုတ် လုပ်ကွက်(အသစ်) အဆိုပြုလွှာများ တင်သွင်းခွင့်ကို  (၁၇.၁၂.၂၀၁၅) ရက်နေ့မှ (၁၈.၁.၂၀၁၆) ရက်နေ့အထိ သက်တမ်း တိုးမြှင့်ပါကြောင်း အသိပေး ကြေညာအပ်ပါသည်။

၃။  ပုဂ္ဂလိက၊ ကုမ္ပဏီ၊ အသင်းများသည် အထက်ဖော်ပြပါ ရတနာနယ်မြေများနှင့် ရတနာနယ်မြေပြင်ပတွင် တည်ဆဲဥပဒေအရ စိုက်ပျိုးလုပ်ကိုင်ခွင့်၊ လက်ဝယ်ထားခွင့်၊ အသုံးပြုခွင့်၊ အကျိုးခံစားခွင့်၊ ဆက်ခံခွင့် သို့မဟုတ် လွှဲပြောင်းပိုင်ခွင့်ရှိသည့်မြေတွင် ကျောက်မျက် ရတနာထုတ်လုပ်ခြင်းလုပ်ငန်း လုပ်ကိုင်လိုပါက ဖော်ထုတ်လုပ်ကွက် အဖြစ် ခွင့်ပြုမိန့် ထုတ်ပေးရန်အတွက် သတ်မှတ်ချက်များနှင့်အညီ မြန်မာ့ကျောက်မျက် ရတနာရောင်းဝယ်ရေး လုပ်ငန်း (ရုံးချုပ်) နေပြည်တော်တွင် အောက်ပါအတိုင်း ဆောင်ရွက်ရမည်ဖြစ်ပါသည်-
  (က)  ဖော်ထုတ်လုပ်ကွက် (အသစ်) လျှောက်လွှာပုံစံ (မကလ-၅)တွင် လိုအပ်သည်များကို ပြည့်စုံစွာရေးသွင်းပြီး မြန်မာ့ကျောက်မျက် ရတနာရောင်းဝယ်ရေးလုပ်ငန်း၊ရုံးချုပ်(မြန်မာ့ကျောက်မျက် ရတနာပြတိုက်- နေပြည်တော်)တွင် သတ်မှတ်ချက်များနှင့်အညီ တင်သွင်းရပါမည်။
      (ခ)  ဖော်ထုတ်လုပ်ကွက် (အသစ်) တစ်ကွက်အတွက် လျှောက်လွှာ တစ်စောင် တင်သွင်းရပါမည်။
    (ဂ)  လျှောက်လွှာနှင့်အတူ လျှောက်ထားလိုသည့် ဖော်ထုတ်လုပ်ကွက်(အသစ်)၏ တည်နေရာပြမြေပုံ ကြမ်းကို ပူးတွဲ၍ စာအိတ်တွင်ထည့်ပြီး ချိတ်ပိတ် တင်သွင်းရပါမည်။
      (ဃ) လျှောက်ထားလိုသည့် ဖော်ထုတ်လုပ်ကွက် (အသစ်)၏ တည်နေရာပြ မြေပုံကြမ်းတွင် လျှောက်ထား သူက လက်မှတ်ရေးထိုး ပေးရပါမည်။  
      (င)  ဖော်ထုတ်လုပ်ကွက် (အသစ်) လျှောက်ထားသောမြေနေရာ၏  အပိုဒ်(၃)ပါ အခွင့်တရပ်ရပ်အတွက် အထောက်အထား တင်ပြရပါမည်။

၄။   ကျောက်မျက်ရတနာ ဖော်ထုတ်လုပ်ကွက် (အသစ်)များ လျှောက်လွှာ တင်သွင်းရာတွင် အဆိုပြုလွှာ တစ်စောင် (လုပ်ကွက်တစ်ကွက်) အတွက် အာမခံစပေါ်ငွေ (DEPOSIT) ၁၀၀၀၀၀ဝိ/- (ကျပ်တစ်ဆယ်သိန်း)နှင့် ကွင်းဆင်း စစ်ဆေးစရိတ် ၅၀၀၀ဝိ/- (ကျပ်ငါးသောင်း) ပေးသွင်းရပါမည်။