၂၀၁၆ ခုနှစ်၊ နှစ်လယ် မြန်မာ့ကျောက်မျက်ရတနာပြပွဲ ဆဋ္ဌမမြောက်နေ့ကို ၂၅.၁၁.၂၀၁၆ ရက်နေ့တွင် နေပြည်တော်၊ မဏိရတနာကျောက်စိမ်းခန်းမ၌ ဆက်လက် ကျင်းပပြုလုပ်လျက်ရှိသည်။

   မြန်မာ့ကျောက်မျက်ရတနာပြပွဲ ဗဟိုကော်မတီအတွင်းရေးမှူး၊ မြန်မာ့ကျောက်မျက်ရတနာ ရောင်းဝယ်ရေးလုပ်ငန်း ဦးဆောင်ညွှန်ကြားရေးမှူး ဦးအောင်ညွန့်သိန်းသည် ညွှန်ကြားရေးမှူး ဦးရဲထွဋ်၊ ဒုတိယညွှန်ကြားရေးမှူး ဦးမင်းထွဋ်ဟန်တို့နှင့်အတူ ၂၆.၁၁.၂၀၁၆ ရက်နေ့တွင် အိတ်ဖွင့်တင်ဒါစနစ်ဖြင့် ရောင်းချမည့် ကျောက်စိမ်းအတွဲများအတွက် ပြည်တွင်း၊ ပြည်ပ ရတနာကုန်သည်များက တင်ဒါပုံးများအတွင်းသို့ ထည့်သွင်းထားသည့် ဈေးနှုန်းပေးသွင်းလွှာများ ဖွင့်ဖောက် စစ်ဆေးနေမှုကို လှည့်လည်ကြည့်ရှု အားပေးခဲ့ပါသည်။